Pisso-chin
Taraxacum officinale
Asteraceae Compositae
Àutri noum : Pisso-can, Pisso-au-lié, Mourre-pourcin, Cicourèio-de-prat, Engraisso-porc.
Noms en français : Pissenlit officinal, Dent de lion.
Descripcioun :Vaqui lou mai coumun di pisso-chin. L'avès segur recouneigu emé si fueio retaiado en rouseto sènso alo, soun cepoun espés, si flour soulitàri (coumpausado) en aut de si pecou boutis. Lis akène soun gris clar e li bratèio (un pau banarudo o noum) revessado sus la cambo. Sian revengu, après proun de chanjamen au noum latin d'óurigino dins aquéu group RUDERALIA.
Usanço :Ei bessai ço que se fai de miés dins l'ensalado champanello. Lou poudès culi tre li pluèio d'autouno e fin qu'en mai en mountagno. Lou pisso-chin èi vertuous contro li mau de fege, lou quiéu tapa e mai encaro. Oublidès pamens pas qu'èi diureti, lou pisso-chin.
Port : Erbo
Taio : 10 à 60 cm
Fueio : basalo
Tipe bioulougico : Emicriptoufite
Cicle bioulougico : Planto renadivo
Gènre : Taraxacum
Famiho : Asteraceae
Famiho classico : Compositae
Tribu : Cichorieae
Ordre : Asterales
Coulour de la flour :
Jauno
Petalo : >5
Ø (o loungour) enflourejado : 2 à 3,5 cm
Flourido : Printèms
Autouno
Sòu : Ca
Autour basso e auto :
Pancaro entresigna
Aparado : Noun
Remarco : Ensalado champanello
Mars à óutobre
Liò : Champ
- Prado umido
- Bos clar
Estànci : Mesoumediterran à Subaupen
Couroulougi : Éurasiatico-Cèntre-Ouèst
Ref. sc. : Taraxacum officinale F.H.Wigg., 1780
(= Taraxacum dens-leonis subsp. officinale (Lyons) Douin, 1923 )
Eloudèio(-dóu-Canada)
Elodea canadensis
Hydrocharitaceae
Noms en français : Élodée du Canada, Peste-d'eau.
Descripcioun :L'éloudèio-dóu-Canada, que nous vèn de l'uba de l'Americo desèmpièi 1845, trachis en coulounìo dins l'aigo tranquilo. Se recounèis à si fueio groupado pèr tres, longo de 5 à 12 mm e un pau torso vers lou bas. Au nostre, i'a soulamen de flour femello, pourtado pèr un long pecou, mistoulino, blanco e roso. Coumpara emé l'eloudèio-espesso que ié sèmblo proun, mai si fueio soun groupado pèr mai que tres (en aut di cambo).
Usanço :Es uno planto envahissènto dins d'ùni relarg, mai pas gaire au nostre. Couneissèn pas d'usanço particuliero pèr aquelo planto. Escriéure au site se n'en sabès mai.
Port : Grando erbo
Taio : 20 à 100 cm
Fueio : costo paralèlo
Tipe bioulougico : Idroufite
Cicle bioulougico : Planto renadivo
Gènre : Elodea
Famiho : Hydrocharitaceae
Ordre : Alismatales
Coulour de la flour :
Blanco
Petalo : 3
Ø (o loungour) flour : 1,5 cm
Flourido : Printèms
- Estiéu
Sòu : Ca
Autour basso e auto : 0
Aparado : Noun
Remarco : Planto envahissènto
Jun à avousT
Liò : Aigo
- Lono
- Roubino
- Ribiero
Estànci : Termoumediterran à Mountagnard
Couroulougi : Óurigino Americo-Nord
Ref. sc. : Elodea canadensis Michx., 1803